ភ្នំពេញ៖ ឧត្តមសេនីយ៍ឯក ស ថេត ត្រូវបានព្រះមហាក្សត្រត្រាស់បង្គាប់តែងតាំងជា អគ្គស្នងការនៃអគ្គស្នងការដ្ឋាននគរបាលជាតិជំនួសនាយឧត្តមសេនីយ៍ នេត សាវឿន ដែលឡើងជាឧបនាយករដ្ឋមន្ត្រីទី១ ទទួលបន្ទុកជានាយករដ្ឋមន្ត្រីស្ដីទីពេលដែលអវត្តមាននាយរកដ្ឋមន្ត្រីកម្ពុជា កិត្តិទេសាភិបាលបណ្ឌិត ហ៊ុន ម៉ាណែត។
បើយោងតាមព្រះរាជក្រឹត្យដែលត្រូវបានព្រះមហាក្សត្រឡាយព្រះហស្តលេខានៅថ្ងៃទី២៣ ខែសីហា ឆ្នាំ២០២៣ លោក ស ថេត នឹងត្រូវដំឡើងឋានន្តរស័ក្តិពី ឧត្តមសេនីយ៍ ទៅនាយឧត្តមសេនីយ៍។
គូសរំលឹកថា នាយឧត្តមសេនីយ៍ ស ថេត ត្រូវបានតែងតាំងជាអគ្គស្នងការរងនគរបាលជាតិនៃក្រសួងមហាផ្ទៃនៅឆ្នាំ២០១៧ ក្រោយមកលោកត្រូវបានតែងតាំងជាស្នងការដ្ឋាននគរបាលរាជធានីភ្នំពេញកាលពីថ្ងៃទី១១ ខែកញ្ញា ឆ្នាំ២០១៨ ជំនួសលោក ជួន សុវណ្ណ៕
